આજ-કાલ..

* આખરે 'Canon powershot sx 50' અને 'oneplus one ' માં થી જીત 'oneplus one ' ની થઈ .(વપરાશ ની તીવ્રતા (frequency  :) )  નાં આધારે! )

* જો કે ફોન લીધાને હવે બે મહિના થવા આવ્યા  છે , અને  અમે  હજુ પણ  'oxygen' ની  રાહ  માં  ગુજરાતી  ફોન્ટ્સ  વગર  ગુજરાન  ચલાવી  રહ્યા  છે. રાહ  જોય  ને  કંટાળી ,  હવે  'Gujarati Pride' જેવી  app નો  સહારો  લઈ  આ  પોસ્ટ  લખવામાં  આવી  છે .  જો  આ  અખતરો  સફળ  થાય તો આ બ્લોગ  કદાચ  કોમા માંથી બહાર આવી શકે એવી શક્યતા છે.

* આજ  કાલ,  જય વસાવડા નાં  આ  લેખ  ની  જેમ ક્રિકેટ પ્રેમ ફરી જાગી  ઉઠ્યો  છે , જો   કે  મેચ ની સાથો સાથ ધોની ના પોસ્ટ મેચ પ્રેસ કોન્ફરન્સ જોવાની પણ એટલી જ  મજા  આવી  રહી  છે . બાળપણ  માં  રાહુલ  દ્રવિડ  પછી  કદાચ  ફરી  પાછું  ધોની  માટે  એવું જ ઓબ્સેસન   લાગ્યું  હોય  એવું  લાગે  છે.  ખરો  સ્થિતપ્રજ્ઞ માણસ  છે... (Such a cool guy he is, u know !)

* ફિલ્મો , વાંચન , ચિંતન , મનન, બ્લોગ પોસ્ટ્સ  નું  પ્રમાણ  જીંદગી  માં  ચિંતાસ્પદ હદે ઘટી  ગયું  છે, લાગે  છે  કુછ  તો લેના પડેગા...  (એ  પેહલા  કે  કોઈ  કહે  કુછ  લેતે  કયું  નહિ ? :) )

@ the end :

* છેલ્લી 'આજ-કાલ' વાળી પોસ્ટ જુલાઈ'2014 માં આવી હતી !! એ પોસ્ટ માં જણાવેલ એમ  'Just for fun' વંચાઈ ગઈ છે અને 'જ્યોતિપુંજ' હજીયે વંચાય  જ રહી છે!! :(

હરતા ફરતા...

* પુના માં હરતા-ફરતા, ભારતીય લશ્કરના લોકો અને વાહનોની મુલાકાત થતી રહે છે, પરંતુ આ વખતે સ્વાર-ગેટ જતા જ્યારે નજર 'આકાશ' લખેલ મિસાઈલ લોન્ચર પર પડી ત્યારે બાઈક જાણે આપો-આપ ઉભી રહી ગઈ  (વાહ, ફિલ્મી ટચ, યુ નો ! :)  ). અને પછી અમને લાગ્યું કે, સેના નું  કોઈક પ્રદર્શન છે તો ચાલો મજા આવશે, ટીકીટ લઇ અંદર ગયા, શરૂઆત માં જ બે સરસ મજા ની BMP રશિયન  ટેંકસ  (BMP-II ) , 

લોકો ને એના વિષે જાણવા કરતા ઉપર ચડી ને ફોટા પડાવવાની વધારે મજા આવતી હતી ! ઘણી નજીક થી જવાનો ટેંક નાં વિવિધ ભાગો નો સરસ પરિચય આપતા હતા.


અને એની સામે આપણું પોતાનું "આકાશ" surface-to-air મિસાઈલ,

અને એની બાજુમાં હતું સૂપરસોનિક "બ્રહ્મોશ" મિસાઈલ,

પહેલી વાર Mobile Autonomous Launcher (MAL) જોયું, અદ્ભુત ! (આમ તો સફારી માં ચિત્રો ઘણી વાર જોયા છે.) લંબાઈ આટલી વધારે હશે એવું વિચાર્યું નહતું. જેમ કે નીચેના ચિત્ર માં દેખાય છે એમ, ૭-૮ કાર ઉભી ગોઠવી હોય એટલી લંબાઈ થઈ જાય. દુર થી પણ પુરા વાહન ને એક ફોટા માં કવર કરવું મુશ્કેલ છે.

અને આ MAL એજ ચેક "Tatra" કંપની  એ બનાવેલ છે, જેની ડીલ માં ભૂતપૂર્વ આર્મી ચીફ વી.કે.સિંગ કટકી ખાધા નાં આરોપ માં ફસાયા હતા, અને આ કંપની પર બૅન લગાવવામાં આવ્યો હતો અને આ તાજેતર માં આવેલ આ સમાચાર પ્રમાણે કદાચ હવે એ બૅન ઉઠાવી લેવાશે એવું માનવામાં આવી રહ્યું છે.

   મજા આવી ગઈ, પરંતુ પછી જ્યારે ડોમ માં પ્રવેશ્યા ત્યારે ખબર પડી કે, અરે આ તો લોકલ ઓટોમોબાઈલ ડીલર્સે ર્રાખેલ ઓટો-એક્પો છે.  અને અંદર પછી સેના ને લગતી એક પણ વસ્તુ જોવા નહિ મડી !

* ઈન્ટરનેટ પર હરતા-ફરતા આ સરસ મજા ના વિડીયો જોડે અથડામણ થઇ (વાહ, અથડામણ !! આ હા !!   :D )

@ the end :

* કોઈ અમને નડ્યા તો ઊભા રહી ગયા, પણ ઊભા રહી અમે કોઈને ના નડ્યા.
   ખુદ અમે તો ન પહોંચી શક્યા મંઝિલે, વાટ કિંતુ બીજાને બતાવી દીધી. 
   - 'બેફામ'

* ગુડ-બાય ૨૦૧૩ !

આજ-કાલ..

* જાન્યુઆરી થી મે , પ્રોજેક્ટ નાં કંઈક વધારે પડતા જ કામ-કાજ નાં કારણે એકદમ પેક રહ્યા (મતલબ વ્યસ્ત હતો એમ :) ), મુવીઝ પણ ઓછી જોવાય અને પરિણામે એના આધારિત બ્લોગ-પોસ્ટ પણ ઓછી થઈ ગઈ, જો કે જુન-જુલાઈ માં એની કસર પૂરી કરવામાં આવી રહી છે અને ટૂંક માં જ એક લાંબી લીસ્ટ સાથે એકાદ  બ્લોગ-પોસ્ટ આવશે એવું લાગી રહ્યું છે :)

* આ વખતે ચોમાસા માં હજી સુધી ઘરે જવાયું નથી અને દર વખત ની જેમ આ વખતે જંગલો માં ફરવા નહિ જઈ શકાશે એવું લાગત હતું, ત્યાં જ ગયા શનિ -રવિ ઓફીસ માં થી અહી પુને નજીક અલીબાગ, કાશીદ, મુરુડ-જંજીરા (હા, જલજીરા નહિ ! :) ) ની એક દિવસ ની ટ્રીપ ગોઠવવામાં આવી, મજાની જગ્યા છે, તમારી એક બાજુ દરિયો અને બીજી બાજુ પહાડો...!

* આમ તો અલીબાગ, માંડવા આ જગ્યાઓ/ ગામો નાં નામ આજ સુધી ફિલ્મોમાં સાભળ્યા હતા એ જોવા મળ્યા અને દરિયામાં ઘણા સમય પછી ન્હાવા મળ્યું એટલે મજા પડી (જો કે પાણી ખાસું એવું માટી વાળું હતું :( ), અહિયાં પણ ઘણી ગુજરાત ની ગાડી ઓં જોવા મળી, દારૂની દુકાનો ની આજુ-બાજુ પાર્ક કરેલી ! :)

* એક સારા એવા કેમેરા ('પોઈન્ટ & શૂટ'  કે 'entry level SLR ' !? ) ની સારી એવી ખોટ વર્તાય રહી છે... :P


@ the end :

* અદભૂત ! કદાચ 30-40 વાર સાભળ્યા પછી પણ એમ થાય છે કે હજી પણ સાંભળતો જ રહું. આ ફિલ્મ ની ખુબ જ આતુરતા થી રાહ જોવાય રહી છે...

આ મહિના ની ફિલ્મો,માર્ચ'૧૩ !!

* The Attacks of 26/11 (2013) by Ram Gopal Varma : અદભૂત ! RGV ની શ્રેષ્ઠ ફિલ્મો માં ની એક. નાના પાટેકર હોઈ અભિનય નું કઈ કહેવાનું નાં હોય. થીએટર માં બેસીને રીતસર નું લોહી ઉકળી ઉઠે છે અને સાથે સાથે એક જાત ની લાચારી પણ  અનુભવી શકાય છે.

*  Zero Dark Thirty (2013) by Kathryn Bigelow :સુપર ! આપડે તો આ કેથરીન બહેન નાં ફેન થઈ ગયા, પહેલા "The Hurt Locker (2008)" અને હવે "Zero Dark Thirty (2013)". આર્મી ની લાઈફ દર્શાવતા તો કોઈ એમની પાસે શીખે. પ્રતિકભાઈ અને ઓસ્કાર એવોર્ડ્સ નો આભાર નહીતર મને તો એમ હતું કે આ ફિલ્મ ભારત માં રીલીઝ જ નથી થઇ, અને થીએટર માં જોવાનું તો રહી જ જાત.

* Argo (2013) by Ben Affleck : ખબર નહી કેમ પણ આ CIA,FBI,Mossad અને  RAW નાં માણસો પ્રત્યે એક અજબ નો અહોભાવ નાનપણ થી જ છે.અને આ ફિલ્મ માં તો આપણો એજન્ટ એકદમ સુપરહીરો ટાઈપ પરાક્રમ કરે છે. 

આ મહિના ની ત્રણેય ફિલ્મો સત્યઘટના ઓ પર આધારિત હોય અને ત્રણેય નાં પ્લોટ પણ ક્યાંક ને ક્યાંક "આતંકવાદ" ની સામ્યતા ધરાવતા હતા. ત્રણેય ફિલ્મો જબરજસ્ત!

@ the end :

બ્લોગ ઓફ ધ મન્થ  : http://www.joelonsoftware.com/

આ મહિના ની ફિલ્મો,ઓક્ટોબર'૧૨ !!

* OMG! (2012) by Umesh Shukla :

    સુપર કુલ! આમ તો ફિલ્મ વિષે કહેવાનું કઈ રેહતું જ નથી દરેક એ જોવા લાયક. હવે  તો ડીવીડી ની રાહ જોવાઈ રહી છે...!! તદુપરાંત મને ફિલ્મ નું સંગીત અને ખાસ કરીને પાશ્વ સંગીત (મતલબ, બેકગ્રાઉન્ડ મ્યુઝીક... :) ) ખુબ ગમ્યું.એટલે જ હિમેશ ભાઈ પહેલે થી એઝ અ મ્યુઝીક ડાઈરેક્ટર પસંદીદા રહ્યાં છે,ખબર નહિ એમને  હીરો બનવાની શું જરૂર પડી હશે !?

અપડેટ: ફ્લીપ-કાર્ટ પર પ્રી-ઓર્ડર માં ઉપલબ્ધ છે,એક-બે દિવસ માં ઓર્ડર કરી દઈશ. લીંક  :)


* Cocktail (2012) by Homi Adajania :

    ઠીક-ઠાક,સારું થયું થીએટર ની જગ્યાએ ટીવી પર જોઈ,વધારે પડતી જ મોર્ડન થઇ ગઈ હોય એવું લાગ્યું.(અથવા હું વધારે પડતો જ દેશી છું. :) ) જે હોય એ પણ મુઝીક અને સિનેમેટોગ્રાફી ગમી.


* Charas:A joint Effort (2004) by Tigmanshu Dhulia :

    નહિ સારી નહિ ખરાબ. તિગ્માંશુ સાહેબે બનાવી હતી એટલે જોઈ નાખી...!! :)

    આ મહિનામાં OCJP ની પરીક્ષા આપવાની હતી એટલે મુવીઝ ની સંખ્યા આપોઆપ ઘટી ગઈ...!!જો કે OCJP વાળું કામ ઘણા સમય થી લાબાયા કરતુ હતું આખરે સુપેરે પરું થયું એટલે મોટી હાશ અનુભવાય....!! :)

@ the end :-

Bigg Boss અને આમ જીદગી માં પણ ઘણી સામ્યતાઓ છે,અને જો તમે આ શો ને  હ્યુમન સાયકોલોજી વાળા એન્ગલ થી જોતા થઇ જાવ તો કદાચ તમે પણ એને (એટલે કે Bigg Boss ને ) ગાળ દેવા વાળાઓ માંથી એના  રેગ્યુલર દર્શક બની જાવ !! :) # confession :D

આ મહિના ની ફિલ્મો,સપ્ટેમ્બર'૧૨ !!

    આમ  તો  અત્યાર સુધી  જોયેલી/દેખેલી  ફિલ્મો  નો  એક ડેટાબેસ  બનાવવાનો  વિચિત્ર વિચાર આવ્યો હતો,આમ તો  એટલી બધી ફિલ્મો જોય  હશે કે  ન પૂછો વાત,પણ દર મહીને આવી એકાદ પોસ્ટ લખી ને ટ્રેક રાખી શકાય એવું સુજ્યું ... :) તો  વીતી   ગયેલા અને આવનારા મહિનાઓનું તો ખબર નહિ પણ આ મહિના (સપ્ટેમ્બર'૧૨) માં જોયેલ ફિલ્મોની  યાદી ( યાદી જ્યાદા,રિવ્યુઝ કમ...! ).  :)

* Satyakam (1969)  by Hrishikesh Mukherjee :

    આમ તો મારી મોટા ભાગ ની ફિલ્મો ની પસંદગી જય વસાવડા પ્રેરિત હોય છે... :) (જે ફિલ્મો નો ઉલ્લેખ જય ભાઈ નાં લેખ,ટ્વીટ, ફેસબુક સ્ટેટસ  વગેરે માં થયો હોય એવી..).અને આ ફિલ્મ તો એમની ફેવરીટસ માં ની એક હોય ઘણા સમય થી જોવાની ઈચ્છા હતી...ગયા મહીને હ્રીશિદા ની ગોલમાલ જોવામાં આવી હતી ત્યારે એમના દિગ્દર્શન ની સ્ટાઈલ ગમી હતી. આ ફિલ્મ એક જ શબ્દ માં, "ક્લાસિક" !!

    થેન્ક્સ ટુ  ' રાજશ્રી પ્રોડક્શન ', આ પૂરી ફિલ્મ યુટ્યુબ પર ઉપલબ્ધ છે,

   
* Gandhi (1982) by Richard Attenborough :

    આઠ-આઠ એકેડમી એવોર્ડ્સ જીતનારી આ અદભુત ફિલ્મ ! ખરેખર માનવામાં નહિ આવે કે  આ ફિલ્મ આજ થી ૨૦ વર્ષ પહેલા બનાવેલ છે...!!

*  Yugpurush (1998) by Partho Ghosh :  

    અગેઇન જયભાઈ ની પસંદીદા , નાના પાટેકર ની અદભુત એક્ટિંગ વાળી આ ફિલ્મ પોતાની એક છાપ  છોડી જાય છે.
    આ  ફિલ્મ પણ યુટ્યુબ પર ઉપલબ્ધ છે,

* Paanch (2003) by Anurag Kashyap :

    અનુરાગ કશ્યપ ની પહેલી ફિલ્મ જે ઓફિસીયલી રીલીઝ ન'તી થઈ  શકી.પુના માં બનેલી એક ઘટના વિષે ન્યુઝ-આર્ટીકલ્સ વાંચીને અનુરાગ ને આ ફિલ્મ બનાવાનો વિચાર આવ્યો હતો.હમણા કોઈક ભલા માણસે આ ફિલ્મ ની પ્રિવ્યુ કોપી નેટ પર મૂકી છે.

* Haasil  (2003) by Tigmanshu Dhulia :

    ખુબ જ જિંદાદિલ દિગ્દર્શક અને વન ઓફ માય ફેવરીટસ.'હાસિલ' એ અલ્હાબાદ માં સેટ કોલેજિયન પોલીટીક્સ નાં બેકડ્રોપ પર બનાવેલ એક 'કલ્ટ' ફિલ્મ કહી  શકાય અને 'હોસ્ટેલ મુવીઝ' (જે થીએટરો માં ઓછી અને હોસ્ટેલ નાં રૂમો માં વધુ જોવાતી હોય એવી ફિલ્મો  ઉ.દા. 'ગુલાલ', 'દિલ દોસ્તી ઈટીસી' ,'દિલ ચાહતા હૈ', 'લક્ષ્ય' વગેરે...) માં ટોપ પાંચ માં જરૂર આવે એવી ફિલ્મ  :)

* 'The Bypass' (2003) a short movie by Amit Kumar :

    રેન્ડમ સર્ફિગ માં મળેલ ,નાવાઝુદ્દીન અને ઈરફાન ખાન દ્રારા અભિનીત ડાર્ક શોર્ટ ફિલ્મ ,

   

* Gangs of Wasseypur-1 and 2 (2012) by Anurag Kashyap :

    અનુરાગ કશ્યપ નાં ડાય હાર્ડ પ્રશંશક હોવાથી અને આ વખતે આ ફિલ્મની માર્કેટિંગ પણ  બરાબર હોય ઘણા સિનેમાઘરો માં રીલીઝ થઇ હોવાથી, રીલીઝ થયા નાં પહેલા અઠવાડિયામાં જ  બંને ભાગો જોવામાં આવ્યા.જોરદાર ! દમદાર ! એકદમ  'રો' અને 'રસ્ટિક' પાત્રો  જોવાની મજા આવી.

* That Girl in yellow boots (2010) by Anurag Kashyap :

    Again from the master,અનુરાગ કશ્યપ..!! કલ્કી એ લખેલ ડ્રામા બેઇઝ્ડ ફક્ત અનુરાગ કશ્યપ જ બનાવી શકે,ખુબ જ રીઅલ દ્રશ્યો અને એ પણ સામાન્ય ડીજીટલ  SLR કેમેરા માં શૂટ કરવામાં આવેલ !

* Bheja Fry 2 (2011) by Sagar Ballary :

    'Bheja Fry' ગમી હતી એટલે આ પણ જોવામાં આવી પણ એટલી મજા નહિ આવી,ઠીક-ઠાક..!!

* Barafi (2012) by Anurag Basu :

    આ બીજા અનુરાગ પણ કલાકાર  છે ... :) વચ્ચે-વચ્ચે થોડી વધુ પડતી ધીમી થતી,પરંતુ ઓવરઓલ ખુબ જ સરસ ફીલિંગ આપનારી નામ ને સાર્થક કરતી 'સ્વીટ' ફિલ્મ...

    તો આ મહિના નો સ્કોર ૧૧.
PS :

આમ તો બધી ફિલ્મો ચુન ચુન કે પસંદ કરી હોય રેટિંગસ/સ્ટાર્સ આપવાની કોઈ સેન્સ બનતી નથી ... :) અને આમ પણ હું માનું છું કે આર્ટસ એ સબ્જેક્ટિવ વિષય છે...!

@ the end : -

- રવિવાર ની રજા, ભારત-પાકિસ્તાનની ક્રિકેટ મેચ,અને ઘરનો આરામ...મજાની લાઈફ...!! :)
- યો  યો હનીસિંગ નાં ચાહકો માટે,

           

આજ-કાલ..

* "Steve Jobs by Walter Isaacson"  વંચાય   રહી છે ,વંચાય ગયા  પછી એકાદ  પોસ્ટ  લખવાનો વિચાર છે  એના ઉપર.

*  આપણે  ત્યાં  લોકો  હજુ  ગ્રાહક  સેવા  એ  જ  પ્રભુસેવા  માં  નથી  સમજતા ,

હમણા  ઘણા  અનુભવો  થયા સર્વિસ  આપવામાં  આટલો  ખચકાટ  કેમ ?? કેબલ  વાળા થી 

કંટાળી ને ડીશ ટીવી નું  કનેક્શન  લેવા  માં  આવ્યું ,હવે  કોઈ ઢંગ ની બોલિંગ નાં કરે તો શું થયું ?

 ટી-20  વર્લ્ડ-કપ જોવો  તો પડશે  ને ,જો  કે ભારતીય બોલરોનું ફોર્મ ચિંતા જનક તો છે... :)

* પુને/પુના માં ઓપેન-સોર્સ ને લગતા સારા એવા કાર્યકમો થાય છે  પણ સાલું અમુક કામ એવા ફસાયા છે ને કે કોઈ કાર્યક્રમ માં જવાતું જ નથી,આવનારા કાર્યકમો,

   1. GNU/Linux installation at Hutatma Rajguru School by CoFUG and PLUG(Pune Linux User  Group) 

  2. DevFest Powered by Pune GDG(Google Developres Group),official page

* ઘણી વાર એવું લાગે છે "જાવા" સાલું  કંઈક વધારે પડતું જ વિશાળ છે... :)

*  દરેક રાજ્યના લોકો ને ખબર છે કે ગુજરાત રાજ્ય નાં મુખ્યમંત્રી ન.મો છે  અને ખુબ સારી  રીતે ગુજરાત નું શાસન ચલાવે છે..!! :)  (આવું બધા સામેથી આવી ને કહે  છે એટલે લખું છું ,અને મને આંધ્ર-પ્રદેશ કે મિઝોરમ નાં મુખ્યમંત્રી વિષે કશી ખબર નથી અને ત્યાં નાં લોકો જ્યારે તમને આવું કહે  કે પૂછે ત્યારે અચંબો થાય ...) :)

* વચ્ચે  એક 10 દિવસ લાંબુ મસ્ત વેકેશન વિતાવવા માં આવ્યું હતું ઓગસ્ટ  મહિનામાં,ત્યારે ચોમાસું ભ્રમણ  અતર્ગત ફરી પાછુ જંગલ ભ્રમણ કરવામાં આવ્યું હતું  (વાહ,એક વાક્ય માં કેટલા ભ્રમણ !? :) ) . આમ  તો છેલ્લા 4-5 વર્ષોથી ચોમાસા માં આવા કંઈક પ્રોગ્રામ બનતા  રહે છે ,જંગલો ની નજીક રહેવાનો ફાયદો  :)

*  જમણાં પગ નાં અગુંઠા પછી હવે ડાબા પગનાં અગુંઠા માં  "Ingrown nail" કહેવાતી સમસ્યા સતાવી રહી છે ,જેને મેડીકલ ભાષામાં "Onychocryptosis" પણ કહેવાય છે,અને ગુજરાતી માં કદાચ "નહિયુંપાકવું" એમ કહે છે .  :(

* બ્લોગ ને રેગ્યુલર કરવા હવે થી વિચારો ને તરત ડ્રાફ્ટ માં કન્વર્ટ કરી શેડ્યુલ પોસ્ટ નો ઉપયોગ કરવાના  પ્રયાસો થઇ રહયા છે, જોઈએ કેટલો કારગત નીવડે છે આ ઉપાય ... :)

 @ the end:

પહેલી વાર આટલી સરસ હિન્દી એનિમેશન મુવી નું આટલું સરસ ટ્રેલર જોયું,"krayon" ની ટીમ ને ખુબ-ખુબ 

અભિનંદન . અને મોહિત નો આભાર આ શેર કરવા માટે ... :)

સિંહગઢ નો કિલ્લો ?

અઠવાડિયા પહેલા  સિંહગઢ નાં  કિલ્લા ની મુલાકાતે ગયા હતા.જે પુના શહેર થી ૩૦ કિમી ની દુરી પર આવેલ છે.આ જગ્યા સમુદ્રની સપાટીથી   ૧૩૦૦ મીટરની ઉચાઈએ છે.પોતાના લાંબા ઈતિહાસ દરમિયાન ઘણી લડાઈઓં  નાં સાક્ષી રહી ચુકેલા આ કિલ્લામાં હવે તો કઈ બચ્યું નથી, થોડી ઘણી  તૂટેલી દીવાલો અને બે દરવાજા સિવાય.(આથી ત્યાં ઘણા સહેલાણીઓ મજાક કરતા હતા કે સાલું બધું ફરી લીધું પણ કિલ્લો તો જોવા જ ન મળ્યો.. :D  )


   અશ્વિન નો કેમેરો હતો એટલે થોડી ફોટોગ્રાફી ની મજા લેવામાં આવી.. :) આ રહ્યા કેટલાક નમૂનાઓ..,

  




















PS : કોઈ પણ ફોટા માં નામ ઉમેરવા સિવાય પોસ્ટ-પ્રોસેસિંગ કરવામાં આવ્યું નથી ;)




@ the end :-


"Exif" નામે ઓળખાતી માહિતી જાણવા લાયક હોય છે.ઉ.દા ઉપરના ફોટાની માહિતી  

" Image Type: jpeg (The JPEG image format)
Width: 4288 pixels
Height: 3216 pixels
Camera Brand: EASTMAN KODAK COMPANY
Camera Model: KODAK EASYSHARE M531 Digital Camera
Date Taken: 2012:03:03 14:13:02
Exposure Time: 1/200 sec.
Aperture Value: 6.00 EV (f/8.0)
ISO Speed Rating: 64
Flash Fired: Flash did not fire, auto mode, red-eye reduction mode.
Metering Mode: Pattern
Exposure Program: Normal program
Focal Length: 6.5 mm  "


:)

આજ-કાલ..

* ફેબ્રુઆરી મહિનો તો પૂરેપૂરો લગ્નો ની મજા માનવામાં અને જલસા કરવામાં કયારે પુરો થઇ ગયો એની ખબર જ નાં પડી. :)

* હોકી ની ઓલ્પીક ક્વોલીફાય માટેની મેચો જોવાની મજા પડી. :)

* મારા લેપટોપ (Compaq Presario V3749AU) માં ફરી પાછો ઓવર-હિટિંગ નો પ્રોબ્લેમ આવ્યો,થોડી શોધ-ખોળ કરતા ખબર પડી કે,આ તો ખાટલે જ મોટી ખોળ છે.મધરબોર્ડ ની ડીઝાઈન માં જ ભૂલ છે,હીટ -સિંક ની બાજુમાં જ ગ્રાફિક્સ યુનીટ હોવાથી જ્યારે લેપટોપ ને ૭-૮ કલાક લગાતાર ચાલુ રાખો ત્યારે ગ્રાફિક્સ ચીપ ને નુકશાન પહોંચતા નવી નખાવવી પડે છે.(ટુંક માં ૨૬૦૦ રૂ. નો ખર્ચો કરવો પડ્યો એને પાછુ ચાલુ કરવા માટે. :) )

*  હમણા જાવા માં " સ્પ્રીગ ફ્રેમવર્ક " શીખવાનું શરુ કર્યું છે.

* આખરે,એપલ આઈપોડ ટચ સાથે રમવાનો મોકો મળ્યો,ઇ-બુક રીડર એપ સરસ છે,એપ જોડે રમ્યા પછી યાદ આવ્યું કે આના પર તો  સંગીત ની મજા પણ માણી શકાય છે. :p :) માટે ગઈ કાલે iStore માંથી ૧૭૦૦ રૂ નાં (ઓવર-પ્રાઈઝડ ?? :) ) ખરીદવામાં આવ્યા.. :)

સ્ટીવ ને મોડી-મોડી શ્રધ્ધાંજલિ.. 

@ the end :-

- આખરે રાહુલ જી હારી ગયા,રાહુલ એ પોલીટીક્સ નાં તુષાર કપૂર છે..-- વાયા ટ્વીટર :)

આજ-કાલ ...

* નવું વર્ષ ૨૦૧૨ શરુ થઇ ગયું અને બીજું અઠવાડિયું પણ પુરુ થવા આવ્યુ છે.

* 'પુણે/પુના' શહેર માં રહેવા આવ્યા ને આજે એક મહિનો થયો,રહેવાની વ્યવસ્થા જાતે કરવાની હતી માટે શરૂઆતમાં થોડી મુસીબત નડી. ("પુણે" નામ સંસ્કૃત શબ્દ 'પૂણ્ય નગરી'  પરથી આવ્યું છે.)

* પ્રણવ મિસ્ત્રી  એ એમનો બહુ ચર્ચિત (અને જોરદાર) પ્રોજેક્ટ ' સિક્સ્થ સેન્સ' નો કોડ,લોકો માટે ઓપન-સોર્સ  શૈલી માં મૂકી એમનો વાયદો પૂરો કર્યો છે. :)

@ the end..

- પુના થોડું નહિ ઘણું મોધું શહેર છે...  :)

- શકીરા અને પીટ્બુલ નું નવું સોંગ, http://www.youtube.com/watch?v=a5irTX82olg

રોકસ્ટાર તમને ગમી ?

'Rockstar'

હાં,મને તો ગમી .જો કે વાત અહી એક ફિલ્મ ની નથી ,જનરલી લોકો આવું પૂછતા હોય છે,તમને આ ફિલ્મ ગમી? અથવા તો ફિલ્મો જોવા જતા પહેલા એનો રીવ્યુ લેતા હોય છે અને પછી નક્કી કરતા હોઈ છે કે ફિલ્મ જોવા જવું કે નહિ.પણ મને આ રીત યોગ્ય લાગતી નથી,કારણ કે ફિલ્મો નો ટેસ્ટ દરેક નો અલગ અલગ  હોય છે,જેમ કે ખાવામાં કોઈક ને ગળ્યું વધારે ભાવતું હોય તો કોઈક ને તીખું-તમતમતું .

અને ઉપર થી આ બધા પર તમારો એ સમય ના મૂડ ની પણ અસર થતી હોય છે.જેમ કે કાયમ તીખું-તમતમતું ખાવાનું પસંદ કરનાર ને  ગળ્યું ખાવાની ઈચ્છા કે મૂડ થઈ જાય . J

જો કે 'રોકસ્ટાર' ફિલ્મમાં ઘણી લાગણીઓં એવી બતાવવામાં(દર્શાવવામાં) આવી છે કે જે તમે અનુભવી ના હોય તો સમજવી(પચાવવી) મૂશ્કેલ છે.

આજકાલ..

* "રિવોલ્યુશન ૨૦૨૦" એના રિલીઝ થયા નાં પહેલા અઠવાડિયામાં જ વંચાય ગઈ હતી પરતું એના પર કઈક લંબાણ માં લખવા જેવું લાગ્યું નહિ,મને વાર્તા થોડી ફિલ્મી લાગી જો કે ભગત સાહેબે એમનો ટચ ગુમાવ્યો નથી.વન લાઈનર બઘા જોરદાર છે.અહિયા એમાંથી થોડા નું કલેક્શન જોવા મળશે.

* MiniDebConf 2011,Nitte,Mangalore માં પહેલા તો શનિ-રવિ બે દિવસ જવાનો વિચાર હતો,પરંતુ ટ્રેનિંગ માં એવાં પ્રોગ્રામ ગોઠવાયા કે એક દિવસ માટે પણ જવું શક્ય લાગતું નહોતું,પછી જેમ-તેમ કરી શની વારે એક દિવસ  માટે જઈ આવ્યા,કાર્તિક ભાઈ ને મળ્યા અને ખુબ મજા કરી,વધારે ડીટેઈલ માં સમય મળે એક પોસ્ટ લખીશ .અત્યારે તો બીજા  એ લખેલા રિપોર્ટ ની લીંક આ રહી,
- કાર્તિક ભાઈ એ પાડેલા ફોટા.. :)
- Christian Perrier એ લખેલ રિપોર્ટ.
- Christian Perrier નું સરસ presentation.



* આજે તો રોકસ્ટાર જોવા જવાનો વિચાર છે.અને આજે કંઈક ૧૧-૧૧-૧૧ જેવું છે.. :)

મેંગ્લોર માં ....

મેંગ્લોર માં ફરવાલાયક સ્થળોને ત્રણ વિભાગમાં વહેંચી શકાય.

૧.ધાર્મિક સ્થળો ૨. દરીયા કિનારા ૩.શોપિંગ મોલ્સ અને મુખ્ય સીટી

૧.ધાર્મિક સ્થળો માં મંગલા દેવી માતા નું મંદિર મુખ્ય છે.જેના નામ પરથી મેંગ્લોર નામ રાખવામાં આવ્યું છે એવું કહેવાય છે.અને જે મારી હોસ્ટેલથી ઘણું નજીક પણ છે.ઘણાં ચર્ચ પણ છે જ્યાં હજી જવાનું બાકી છે.

૨. દરીયા કિનારા : અહી એટલા બધા બીચ છે કે ન પૂછો વાત જેમાંથી હું ફક્ત એક સુલતાન બત્રી કહેવાતા સ્થળે જ ગયો છું.જે સરસ જગ્યા છે પરંતુ અહીયા  દરીયામાં નહાવા કે થોડા અંદર જવું એ પણ ભયજનક છે.

૩. શોપિંગ મોલ્સ માં સીટી સેન્ટ્રલ સૌથી ફેમસ અને સરસ છે.Reliance Timeout સરસ છે પણ Crossword જેવી ફીલ નથી આવતી. સીટી માં પબ્સ સરસ છે,જેમાં The Gold Flinch ની મજા લઇ ચુક્યા છે . :)પણ ડિજે ના music માં એટલી મજા ન હતી,બાકી sound system મસ્ત હતી.

જો કે ,પર્વતમાળા જેમ કે, "Kudremukh" અને  ધોધ જેવા કે,  Jog Falls એ પણ પર્યટન માટે વખણાય છે,પણ અહી થી ઘણું દુર હોઈ જવાનો મોકો નથી મળ્યો .

અહી આઈસ-ક્રીમ સરસ મળે છે, “PAB-BAS” નો ખુબ વખણાય છે -- આ શની-રવિ ત્યાં જવાનો પ્લાન છે. :)
અને અહી પક્ષીઓમાં કાગડા અને સમડી જ જોવા મળે છે.. :)


@ the end :

MiniDebConf ,Mangalore (૨૮-૨૯-૩૦ ઓક્ટોબર ૨૦૧૧) નું રજીસ્ટ્રેશન શરુ થઇ ગયું છે,લીંક :  http://is.gd/mdcnitte

ઇજનેરો નો દિવસ...

આજે "Engineers Day",અને સવાર-સવારમાં ઘણાં SMSes મળ્યા..પછે ખબર પડી કે આ દિવસ આ સાહેબ નામ Mokshagundam Visvesvaraya ની યાદ માં મનાવવામાં આવે છે..તો બધા ને Happy Engineer's Day... :)

આજ-કાલ ..

આજ માં તો ,Drivining Liecence ,PAN card,Passport જેવા અગત્યનાં પુરાવા ભેગા કરવાની દોડ-ધામ ચાલે છે.

અને કાલ (આવતી કાલ) ને  લગતા ૨ સરસ સમાચાર છે.

- ચેતન ભગત એમની નવી નોવેલ સાથે આવી રહ્યા છે,નામ છે "Revoultion 2020".

-  આવનાર Minideb Conf 2011 નું આયોજન ૨૮ અને ૨૯ ઓક્ટોબર એ Mangalore ખાતે કરવામાં  આવ્યું છે અને મારી પણ જવાની ઈચ્છા છે,જોઈએ શું  થાય છે.

@ the end :

JV(Jay Vasavada) નાં બ્લોગથી હજુ પણ બેખબર હોવ તો અહી ક્લીક કરો..

આજ-કાલ ..

    ખરું રીડીંગ વેકેશન તો હવે શરુ થયું હોઈ એવું લાગે છે. મને પુસ્તકો ભેગા કરવાનો બહુ શોખ છે (હાં,ભેગા કરવાનો એમ લખવું પડે છે કારણ કે બધા જ પુસ્તકો ખરીધ્યા પછી તરત જ વાંચી શકાતા નથી,સમયનાં અભાવે).હવે થોડા દિવસ માટે નવરાશ મળી છે તો બાકી રહેલા પુસ્તકો વાંચવાનો પ્લાન છે.

    તો આ પ્લાન હેઠળ પહેલું પુસ્તક ઉપાડવામાં આવ્યું " લવ અને મ્રત્યુ - (સ્વ.)ચંદ્રકાંત બક્ષી ",આમ તો આ ચંદ્રકાંત બક્ષી નાં અગાઉ વિવિધ મેગેઝીનો અને છાંપામાં છપાયેલ લેખોનો સંગ્રહ છે. બક્ષીબાબુ ને વાંચવાની ઈચ્છા તો ઘણા લાંબા સમયથી હતી કારણ કે મારા ઘણા  ગુરુઓ એમને પોતાના ગુરુ તરીકે ગણાવે છે.હજુ તો પુસ્તક અડધું પણ નથી પત્યું પરંતુ એટલું જરૂર થી કહી શકાય કે એમના કટાક્ષ વિશે કોઈ કટાક્ષ ના કરી શકાય. :)

@ the end :

-  ગુગલનું નવું નજરાણું ગુગલ + (ફેસબુક ને ભારે પડશે એવું માનવામાં આવી રહ્યું છે.) 

-  Men vs Women -  વાંચવા લાયક સરસ લેખ..